Kryeministri Edi Rama ka deklaruar se identifikimi i kateve pa leje dhe abuzimet nga ndërtuesit nuk është detyrë e tij për t’i parë, duke iu përgjigjur kështu kritikëve që ngrenë pyetjen përse tani është marë vendimi nga qeveria për konfiskimin e tyre.
“Me këtë vendim ne i kemi vënë me shpatulla për muri të gjithë këta, por zgjidhja që vjen nga ky vendim i sotëm, është një zgjidhje që i jep përgjigje përfundimtare pyetjes si nuk i keni parë, nuk është detyra ime funksionale të shoh kate dhe pse të gjithë jemi mësuar t’i ndjekim këto procese”, u shpreh kryeministri.
Rama tha ndër të tjera se në një zinxhir përgjegjësish, ku hallka kryesore është ajo e drejtësisë, me gjyqtarë dhe prokurorë që kanë marrë rryshfet për të lejuar ndërtimet pa leje, përgjegjësi kanë edhe punonjësit e institucioneve që kanë marrë para gjithashtu për të mbyllur sytë para kullave që shkelin lejen e ndërtimit.
“Në terren kemi një problematikë që edhe pse sot është më e lehtë, vijon të rëndojë e shqetësojë biznese, qytetarë. Emrat e përvecëm në raport me qytetarin e biznesin që përkthehet në një mundësi për të bërë presion e për të marrë rryshfet. Ky është fakt.
E këto ngrehina, janë rezultat pikërisht i mos funksionimit si duhet të një zinxhiri kontrolli, që hallkën e vet kryesore ka drejtësinë dhe që funksionon me të dobëtit por nuk funksionon me të fortit”, tha Rama.
Edhe sulltanpiktori, si Reja,nuk mban asnje pergjesi!?